Stali viadomyja prysudy niekatorym połackim muziejščykam, a taksama śpis zatrymanych
Siońnia adbylisia sudy nad niekatorymi z zatrymanych učora supracoŭnikaŭ Połackaha historyka-kulturnaha muzieja-zapaviednika. Papiaredniaja infarmacyja adnosna taho, što bolšaść zatrymanych urešcie adpuścili, nie pacvierdziłasia. Adpuścili tolki troch ci čatyroch, a ŭsiaho zatrymali za dva dni 11 čałaviek.
30.03.2023 / 20:19
Fota: Vikipiedyja
Pavodle našaj infarmacyi, byłoj dyrektarcy muzieja-zapaviednika Tamary Džumantajevaj, fatohrafu Kiryłu Smalakovu i elektryku ŭstanovy (proźvišča vyśviatlajecca) dali pa 15 sutak administracyjnaha aryštu. Jany adbyvajuć jaho ŭ Połackim SIZA.
Što tyčycca kandydata fiłasofskich navuk Ihara Bortnika, to jaho utrymlivajuć u Navapołackim CIP.
Udakładnieny śpis zatrymanych učora:
1. Tamara Džumantajeva;
2. Ihar Bortnik;
3. Elektryk ustanovy;
4. Fatohraf Kirył Smalakoŭ;
5. Fatohraf Ihar Supranionak;
6. Zahadčyca restaŭracyjnych majsterniaŭ Aksana Šafran;
7. Aksana Kozieł z muzieja tkactva;
8. Volha Filimonava z Safijskaha sabora.
Siońnia ŭ dadatak da ich zatrymali jašče traich čałaviek:
1. Viktoryju Babko z addzieła fondaŭ;
2. Nadzieju Jaźmier z Safijskaha sabora;
3. Alenu Chodzikavu, jakaja pracavała ŭ muziei raniej, ale ŭžo zvolniłasia.
Čytajcie taksama:
Prajšli pieratrusy i zatrymańni siarod połackich muziejščykaŭ