«Biez vas u kančatkovym rachunku naša hulnia nie maje značeńnia». Kapitan zbornaj Biełarusi pa futbole vykazaŭsia pra apošnija matčy
Kapitan zbornaj Biełarusi pa futbole Jaŭhien Jabłonski pa vynikach dźviuch apošnich pravalnych hulniaŭ kamandy źviarnuŭsia ŭ instahramie da zaŭziataraŭ.
30.03.2023 / 18:05
Pavodle futbalista, jon razumieje, jakoje hłybokaje rasčaravańnie pakinuli hetyja dva matčy. Na jaho dumku, «my mahli i pavinny byli vycisnuć bolš», ale «ŭ vyniku dali tolki padstavu dla razmoŭ i niehatyŭnych emocyj».
Niehatyŭnyja emocyi Jabłonski traktuje jak pakazčyk taho, «što vam nieabyjakavaja nacyjanalnaja kamanda», a złosnych kamientataraŭ jon, jak śćviardžaje, taksama razumieje.
«Ja spadziavajusia, vy znojdziecie ŭ sabie siły zastacca z kamandaj i praciahnuć jaje padtrymlivać (kali nie — razumieju). Tamu što biez vas, u kančatkovym rachunku, naša hulnia nie maje značeńnia. Navat kali vam zdajecca inakš», — adznačyŭ futbalist.
U pieršych adboračnych matčach da čempijanatu Jeŭropy pa futbole 2024 hoda zbornaja Biełarusi pad kiraŭnictvam Hieorhija Kandraćieva biez surjoznaj baraćby sastupiła abodvum sapiernikam — zbornaj Šviejcaryi (0:5) i zbornaj Rumynii (1:2).
Čytajcie taksama:
Zbornaja Biełarusi pa futbole prajhrała i «hałoŭnuju hulniu». Hetym razam rumynam
Hałoŭny trenier zbornaj: U parazie ad Šviejcaryi 0:5 ničoha strašnaha niama
Haspadar u biełaruskim futbole novy, a vyniki staryja. Biełaruś — Šviejcaryja — 0:5