Pamiežnaja słužba Ukrainy: Niestandartnych situacyj na miažy ź Biełarussiu niama
U Dziaržaŭnaj pamiežnaj słužbie Ukrainy paviedamili, što na dziaržaŭnaj miažy ź Biełarussiu na hety momant nie fiksujecca jakich-niebudź pravakacyj i sprobaŭ pierakinuć rasijskich dyviersantaŭ ź biełaruskaha boku.
30.03.2023 / 17:43
Fota Dziaržaŭnaj pamiežnaj słužby Ukrainy
«Na miažy ź Biełarussiu my nie fiksavali niejkich niestandartnych situacyj ci, u tym liku, pravakacyj i dziejnaści vyviedna-dyviersijnych hrup. Tam usio spakojna, da taho ž učastak miažy ź Biełarussiu ŭmacoŭvajecca nie tolki pa linii miažy, a i ŭ pamiežžy, kab siły abarony Ukrainy mieli ŭsie mahčymaści adbić ataku», — skazaŭ pres-sakratar Dziaržaŭnaj pamiežnaj słužby Ukrainy Andrej Dziemčanka ŭ efiry ŭsieŭkrainskaha telemarafonu.
U toj ža čas, pavodle jaho, Rasija praciahvaje teraryzavać pamiežnyja ŭkrainskija rajony, abstrelvajučy poŭnač Ukrainy sa svajoj ułasnaj terytoryi.
29 sakavika Słužba biaśpieki Ukrainy apublikavała zapis pierachoplenaj telefonnaj razmovy rasijskich vajskoŭcaŭ, u jakoj adzin ź ich raskazaŭ ab nibyta sprobie pravakacyj na biełaruska-ŭkrainskaj miažy.
Čytajcie taksama:
SBU apublikavała zapis razmovy ab pravakacyi na miažy ź Biełarussiu
Praciahvajecca ideałahičnaje supraćstajańnie ŭkrainskich i biełaruskich pahraničnikaŭ VIDEA