Памежная служба Украіны: Нестандартных сітуацый на мяжы з Беларуссю няма
У Дзяржаўнай памежнай службе Украіне паведамілі, што на дзяржаўнай мяжы з Беларуссю на дадзены момант не фіксуецца якіх-небудзь правакацый і спробаў перакінуць расійскіх дыверсантаў з беларускага боку.
30.03.2023 / 17:43
Фота Дзяржаўнай памежнай службы Украіны
«На мяжы з Беларусьсю мы не фіксавалі нейкіх нестандартных сітуацый ці, у тым ліку, правакацый і дзейнасці выведна-дыверсійных груп. Там усё спакойна, да таго ж участак мяжы з Беларуссю ўмацоўваецца не толькі па лініі мяжы, а і ў памежжы, каб сілы абароны Украіны мелі ўсе магчымасці адбіць атаку», — сказаў прэс-сакратар Дзяржаўнай памежнай службы Украіны Андрэй Дземчанка ў эфіры ўсеўкраінскага тэлемарафона.
У той жа час, паводле яго, Расія працягвае тэрарызаваць памежныя ўкраінскія раёны, абстрэльваючы поўнач Украіны са сваёй уласнай тэрыторыі.
29 сакавіка Служба бяспекі Украіны апублікавала запіс перахопленай тэлефоннай размовы расійскіх вайскоўцаў, у якой адзін з іх расказаў аб нібыта спробе правакацый на беларуска-ўкраінскай мяжы.
Чытайце таксама:
СБУ апублікавала запіс размовы аб правакацыі на мяжы з Беларуссю
Працягваецца ідэалагічнае супрацьстаянне ўкраінскіх і беларускіх пагранічнікаў ВІДЭА
Беларускія памежнікі паскардзіліся, што ўкраінскія павесілі на дрэве пудзіла «расійскага Валеры»