АДКБ збіраецца сёлета правесці ў Беларусі ўжо пяць вучэнняў. Дадаліся «Бар'ер» і «Скала»
Пра намер правесці на тэрыторыі Беларусі ў 2023 годзе пяць вучэнняў АДКБ паведаміў прэс-сакратар Аб'яднанага штаба АДКБ Уладзіслаў Шчагрыковіч.
30.03.2023 / 17:30
Здымак ілюстрацыйны. Фота: t.me/modmilby
«У 2023 годзе комплекс вучэнняў з войскамі (калектыўнымі сіламі) АДКБ будзе праведзены ў форме сумеснага аператыўна-стратэгічнага вучэння «Баявое братэрства», якое з'яўляецца вышэйшай формай сумеснай падрыхтоўкі ў фармаце арганізацыі. У розных рэгіёнах зоны адказнасці АДКБ будуць задзейнічаныя ўсе элементы сістэмы калектыўнай бяспекі», — адзначыў прэс-сакратар.
На тэрыторыі Беларусі ў адпаведнасці з гэтым плануецца правесці:
- сумесныя вучэнні з калектыўнымі сіламі аператыўнага рэагавання АДКБ «Узаемадзеянне-2023»;
- спецыяльныя вучэнні з сіламі і сродкамі разведкі «Пошук-2023»;
- спецыяльныя вучэнні з сіламі і сродкамі матэрыяльна-тэхнічнага забеспячэння войскаў (Калектыўных сіл) АДКБ «Эшалон-2023»;
- спецыяльныя вучэнні з сумесным фарміраваннем радыяцыйнай, хімічнай і біялагічнай абароны і медыцынскага забеспячэння «Бар'ер-2023»;
- спецыяльныя вучэнні з падраздзяленнямі МНС, вылучанымі ў склад фарміраванняў сіл спецыяльнага прызначэння КСАР АДКБ «Скала-2023».
У студзені вайсковыя чыноўнікі гаварылі, што на тэрыторыі Беларусі плануецца правесці тры вучэння АДКБ: «Узаемадзеянне», «Эшалон» і «Пошук».
Чытайце таксама:
Пашынян заявіў, што яго трывожыць «сыход АДКБ з Арменіі»
«Узаемадзеянне», «Эшалон» і «Пошук». У Беларусі сёлета збіраюцца правесці тры вучэнні АДКБ
Тры чвэрці запланаваных на гэты год вучэнняў АДКБ збіраюцца правесці ў Беларусі