Твітар Маска стаў самым чытаным у свеце
Яго профіль абагнаў па колькасці падпісчыкаў старонку былога прэзідэнта ЗША Барака Абамы.
30.03.2023 / 12:13
Ілан Маск, фота AP
На раніцу чацвярга на Ілана Маска падпісаныя 133 070 628 карыстальнікаў, у той час як у Барака Абамы 133 042 957 падпісчыкаў.
«Ілан Маск сабраў найбольшую колькасць падпісчыкаў у твітары, праз пяць месяцаў пасля куплі платформы за 44 мільярды даляраў. З больш чым 133 мільёнамі падпісчыкаў 51-гадовы гігант тэхналагічнай сферы абагнаў былога прэзідэнта Барака Абаму, якому належаў рэкорд з 2020 года», — гаворыцца ў паведамленні Кнігі рэкорда Гінэса.