SBU apublikavała zapis razmovy ab pravakacyi na miažy ź Biełarussiu
Słužba biaśpieki Ukrainy śćviardžaje, što apublikavany joj aŭdyjazapis — pierachop razmovy rasijskaha vajskoŭca, jaki pierasoŭvajecca ŭzdoŭž biełaruska-ŭkrainskaj miažy, i jahonaha surazmoŭca, jaki vajuje na danieckim kirunku dy čakaje, što padraździaleńnie tavaryša pierakinuć na dapamohu mienavita siudy.
29.03.2023 / 21:21
«Takija dziejańni śviedčać ab tym, što Rasija nie spyniaje sprob uciahnuć Biełaruś niepasredna ŭ vajnu suprać Ukrainy i robić heta lubymi sposabami», — zajaŭlajuć u SBU.
Surazmoviec, jaki znachodzicca ŭ Biełarusi, paviedamlaje svajmu tavaryšu, što jany kožny dzień pierajazdžajuć pa ŭsioj krainie, a voś ciapier apynulisia kala miažy z Polščaj.
Danbaski tavaryš vykazvaje rasčaravańnie z toj nahody, što ich nie viazuć na Danbas im na padmohu, a jamu ŭ adkaz havorycca, što na hetym učastku zadača nie mienš adkaznaja, bo «z hetaha boku pravakujuć chachłoŭ, kab jany, typu, na Biełaruś napali. Nu, kab padklučylisia, napeŭna».
Dalej «biełaruski» surazmoviec daje vostryja niecenzurnyja charaktarystyki ŭłasnamu kamandziru pałka i ŭvohule piachotnym vojskam dy paviedamlaje, što «tysiačy paŭtary nas usiaho tut pryjechała».
Čytajcie taksama:
Praciahvajecca ideałahičnaje supraćstajańnie ŭkrainskich i biełaruskich pahraničnikaŭ VIDEA
Sachaščyk: Krainam NATA nielha niedaaceńvać zajavu Pucina
ZŠA pakul nie bačać prykmiet pierakidańnia jadziernaj zbroi ŭ Biełaruś
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi