Kanhres ZŠA rychtuje novy zakon ab demakratyi ŭ Biełarusi — Kavaleŭski

Pra padrychtoŭku ŭ ZŠA novaha zakona ab demakratyi, suvierenitecie i pravach čałavieka ŭ Biełarusi zajaviŭ pradstaŭnik Abjadnanaha pierachodnaha kabinieta pa zamiežnych spravach Valeryj Kavaleŭski, padsumoŭvajučy vizit Śviatłany Cichanoŭskaj u ZŠA. 

29.03.2023 / 16:24

«Złučanyja Štaty zapuścili stratehičny dyjałoh z demakratyčnymi siłami, heta

dazvolić nam raspracavać toj miechanizm, jaki budzie dazvalać uzajemadziejničać na pastajannaj asnovie, rabić bolš praktyčnaj dziejnaść Złučanych Štataŭ na karyść Biełarusi.

U Kanhresie viadziecca padrychtoŭka novaha zakona ab demakratyi, suvierenitecie i pravach čałavieka ŭ Biełarusi, jaki budzie ŭ bolšaj stupieni adlustroŭvać rolu Łukašenki ŭ vajnie i tyja niehatyŭnyja nastupstvy, jakija heta niasie dla ŭsiaho śvietu.

Viadoma ž, buduć raspracavanyja novyja palityčnyja rekamiendacyi dla ŭrada Złučanych Štataŭ».

Kavaleŭski zapeŭniŭ, što ZŠA «zastajucca ź biełarusami», jany «vielmi prychilna staviacca da demakratyčnaha ruchu». «Razumiejuć našyja składanaści i hatovyja nas padtrymlivać u baraćbie», — skazaŭ jon.

Kamanda Cichanoŭskaj naviedvała Złučanyja Štaty Amieryki 22—28 sakavika.

Čytajcie taksama:

Cichanoŭskaja ŭ Sienacie ZŠA: Treba harantavać, što ŭ paślavajennych damoŭlenaściach nie budzie miesca asablivym intaresam Rasii ŭ Biełarusi

Rada Jeŭropy ŭpieršyniu ŭ historyi pačynaje supracoŭnictva z uradam u vyhnańni. Čaho čakać?

Cichanoŭskaja ŭźniała pytańnie jadziernaj zbroi ŭ Biełarusi na sustrečy z Salivanam

Dva dyktatary, jakija zahulalisia ŭ vajnu, zrabili ź Biełarusi cel dla ŭdaru — Cichanoŭskaja

Nashaniva.com