Праваабаронцы: З акна калоніі ў Навасадах пад Барысавам выкінуўся зняволены
Праваабаронцы паведамляюць, што праз жорсткае абыходжанне са зняволенымі ў папраўчай калоніі № 14 у Навасадах 26 сакавіка выкінуўся з акна другога паверха адзін са зняволеных.
28.03.2023 / 22:20
Называецца і імя пацярпелага — Іпатаў Уладзімір Уладзіміравіч. Зараз ён, як сцвярджаецца, знаходзіцца ў шпіталі Барысава.
Крыніца, якая паведаміла пра здарэнне, сцвярджае, што ў мужчыны праблемы з пазваночнікам і ён асуджаны па палітычным артыкуле.
«Вясна» адзначае, што ў ПК №14 свае тэрміны адбываюць пяць палітвязняў, сярод якіх шматдзетны бацька Зміцер Дашкевіч.