Biełaruskaja pravasłaŭnaja carkva zaniepakojenaja situacyjaj va Ukrainie
Sinod Biełaruskaj pravasłaŭnaj carkvy (BPC) vydaŭ zajavu, jakoj vykazvaje zaniepakojenaść situacyjaj, jakaja skłałasia va Ukrainie. Zaniepakojenaść vyklikała «biahučaje stanovišča spraŭ kananičnaj Pravasłaŭnaj Carkvy na terytoryi Ukrainy».
28.03.2023 / 16:43
Biełaruskaja Pravasłaŭnaja Carkva zaklikała suśvietnuju supolnaść «aktyŭna vystupić z abaronaj kananičnaha pravasłaŭja na ŭkrainskaj ziamli jak sapraŭdnaj Carkvy Chrystovaj, jak haranta miru i zakładu stabilnaści va ŭkrainskim hramadstvie».
U BPC ličać, što ŭkrainskija ŭłady pavinny pryniać nieabchodnyja miery, nakiravanyja «na spynieńnie destruktyŭnych zajaŭ i dziejańniaŭ u dačynieńni da Ukrainskaj Pravasłaŭnaj Carkvy, jaje śviataroŭ i viernikaŭ, uklučajučy admienu rašeńnia ab vysialeńni nasielnikaŭ Śviata-Uśpienskaj Kijeva-Piačerskaj łaŭry».
«My taksama zaklikajem ułady Ukrainy zabiaśpiečyć niaŭchilnaje vykanańnie dziejnaha ŭkrainskaha zakanadaŭstva i mižnarodnaha prava ŭ dačynieńni da svabody sumleńnia i vieravyznańniaŭ, zachavańnia zakonnych pravoŭ i svabod čałavieka», — havorycca ŭ zajavie BPC.
Ukrainskuju pravasłaŭnuju carkvu Maskoŭskaha patryjarchatu (UPC MP) padazrajuć u suviaziach z Rasijaj, a manachi UPC MP pavinny ŭžo zaŭtra pakinuć Kijeva-Piačerskuju łaŭru ŭ Kijevie. Choć sami pradstaŭniki hetaj Carkvy ličać, što padviarhajucca niespraviadlivamu pieraśledu.
25 sakavika kiraŭnik BPC mitrapalit Vienijamin razasłaŭ pa ŭsich jeparchijach Biełaruskaj Pravasłaŭnaj Carkvy cyrkularny list №1-04/031, u jakim zaklikaŭ «u ciapierašni niaprosty čas, kali my z vami źjaŭlajemsia śviedkami novych uciskaŭ, jakija ździajśniajucca ŭ dačynieńni da kananičnaj Ukrainskaj Pravasłaŭnaj Carkvy, ździejśnić malitoŭny podźvih». Praŭda, malitva, jakoj jon prapanavaŭ karystacca, vyklikała nieadnaznačnuju reakcyju.
Čytajcie taksama:
UPC Maskoŭskaha patryjarchatu admaŭlajecca sychodzić z Kijeva-Piačerskaj łaŭry
UPC Maskoŭskaha patryjarchatu da kanca sakavika musić pakinuć Kijeva-Piačerskuju łaŭru