U Biełarusi stvaryli ŭłasnyja sarty funduku i piersikaŭ
U Biełarusi pačali vyroščvać piersiki i funduk. U tym liku ŭžo navat vyvieli pieršyja ajčynnyja sarty hetych pładoŭ, paviedamiŭ dyrektar RUP «Instytut pładavodstva» Alaksandr Taranaŭ.
28.03.2023 / 16:04
Płantacyja funduku pad Maładziečnam
«Nadajecca ŭvaha takoj kultury, jak funduk. Stvoranyja try ajčynnyja sarty — «Łał», «Jašma» i «Arkadź». Pa hetaj kultury našym instytutam arhanizavanaje navukovaje supravadžeńnie», — raskazaŭ Taranaŭ.
Pavodle jaho infarmacyi, u Maładziečanskim rajonie ŭžo zakładzienyja «dziasiatki hiektaraŭ funduku». Taksama źjaviŭsia pieršy rajaniravany hatunak piersika — «Łojka». Jon aryjentavany na prysiadzibnyja haspadarki, pryčym dla ŭsich abłaściej krainy.
«Vyvučajucca i intraducyravanyja sarty, i, kali budzie nieabchodnaść u kansultacyjach pa zakładcy nasadžeńniaŭ, my dapamožam», — dadaŭ Taranaŭ.
Čytajcie taksama:
Biełaruski arechavy cud. Pad Maładziečnam jość cełyja płantacyi funduka, pra jakija mała chto čuŭ
Žychar Vaŭkavyska sa svajho sada piersiki nosić viodrami. I ŭsim rekamienduje FOTY