U Baranavičach pjany kiroŭca źnios simvał horada
Viečaram 26 lutaha 22-hadovy žychar Baranavickaha rajona na praśpiekcie ŭ Baranavičach nie spraviŭsia z kiravańniem: mašynu raźviarnuła, i jana ŭjechała ŭ art-abjekt u vyhladzie kavanaha paravoza, piša «Naš kraj».
27.03.2023 / 11:27
Pa infarmacyi DAI UUS Bresckaha abłvykankama, mužčyna byŭ pjany — 1,5 pramile ałkaholu. Na vadziciela składzieny administracyjny pratakoł, aŭtamabil źmieščany na štrafstajanku.
Sam parušalnik nie paciarpieŭ, ale jaho mašyna atrymała surjoznyja miechaničnyja paškodžańni. Taksama było paškodžana darožnaje pakryćcio, tratuar, zialonaja zona i sam pastamient.
Razam z rejkami paravozik zrušyŭsia, piaredniaja jaho častka i koły adlacieli ŭbok. Važyć kanstrukcyja — kala tony.
Padarunak u vyhladzie kavanaha paravozika na ŭjeździe ŭ Baranavičy padniesła žycharam da 75-hoddzia z dnia vyzvaleńnia horada ad niamiecka-fašysckich zachopnikaŭ haradskaja ŽKH u lipieni 2019 hoda. Paravozik sustrakaŭ haściej horada na ŭjeździe z paŭnočnaha boku.
Čytajcie taksama:
«Kibierpartyzany» prymusili baranavicki aficyjoz pavinšavać biełarusaŭ z Dniom Voli