U Minsku źjaviacca vulicy Ščamialova i Łužanina
U Minsku na terytoryi žyłoha kompleksu «Minsk-Śviet» prajektujucca dźvie novyja vulicy i ŭžo navat vyznačana, u honar kaho ich nazavuć, piša ahienctva «Minsk-Naviny».
25.03.2023 / 19:50
Płan žyłoha kompleksu «Minsk-Śviet»
Adna z hetych vulic budzie nasić imia narodnaha mastaka Biełarusi Leanida Ščamialova. Jaho pracy ekspanavalisia ŭ mnohich krainach śvietu i zachoŭvajucca ŭ Nacyjanalnym mastackim muziei Biełarusi. Ščamialoŭ pamior 14 studzienia 2021 hoda, pražyŭšy amal 98 hadoŭ.
Jašče adnoj prajektavanaj vulicy «Minsk-Śvietu» prysvojenaje imia biełaruskaha piśmieńnika Maksima Łužanina (1909—2001). Jon byŭ siabram litaraturnych abjadnańniaŭ «Maładniak» i «Uzvyšša», a z 1944 hoda pracavaŭ namieśnikam kiraŭnika addzieła kultury ŭ redakcyi haziety «Źviazda» i adkaznym sakratarom časopisa «Vožyk».
Akramia taho, padkarektavali nazvu płoščy Stary aeraport. Ciapier abodva słovy ŭ joj u adpaviednaści z narmatyŭnymi dakumientami musiać pisacca ź vialikaj litary: «płošča Stary Aeraport».
Čytajcie taksama:
U Kijevie budzie vulica Uładzimira Karatkieviča