U Minsku abmiažujuć chutkaść prakatnych elektrasamakataŭ
U stalicy abmiažujuć chutkaść prakatnych elektrasamakataŭ a taksama ŭparadkujuć miescy dla ich parkoŭki. Rašeńnie ab piłotnym prajekcie ŭ sfiery biaśpieki darožnaha ruchu dla prakatu srodkaŭ piersanalnaj mabilnaści pryniali deputaty Minharsavieta, pišuć «Minsk-naviny».
25.03.2023 / 14:51
Minsk budzie padzieleny na niekalki častak u zaležnaści ad intensiŭnaści ruchu piešachodaŭ i transpartu. U zonach abmiežavańnia na samakatach možna budzie jeździć z chutkaściu da 15-20 km/h, u astatnich častkach horada — da 25 km/h.
Pa słovach namieśnika načalnika staličnaj DAI Dzianisa Livanoviča, kantralavać i abmiažoŭvać chutkaść budzie śpiecyjalnaje prahramnaje zabieśpiačeńnie, jakoje ŭkaraniać prakatnyja arhanizacyi.
Akramia taho, u horadzie buduć dakładna vyznačanyja miescy dla parkoŭki samakataŭ, a taksama ŭmovy i ščylnaść ich raźmiaščeńnia. Miarkujecca, što śpiecyjalnaje prahramnaje zabiaśpiačeńnie daść mahčymaść zaviaršyć pajezdku tolki ŭ śpiecyjalna adviedzienym miescy.
Paśla zakančeńnia prakatnaha siezona, kažuć u haradskoj DAI, vyniki adpraviać u respublikanskija dziaržorhany dla karekciroŭki zakanadaŭstva.
Zhodna z praviłami darožnaha ruchu, jakija zapracavali vosieńniu minułaha hoda, chutkaść elektrasamakataŭ nie pavinna pieravyšać 25 km/h. Z prapanovaj uvieści bolš žorstkija abmiežavańni dla Minska DAI vystupiła letaś.
Čytajcie taksama:
Prakat elektrasamakataŭ nie taki ekałahičny, jak moža zdavacca
Samyja chutkija ŭ śviecie čaraviki abiacajuć pavialičyć chutkaść vašaj chady na 250%