Paśla 15 sutak aryštu na volu nie vyjšaŭ žychar Hrodna Pavieł Jakubiel
Mužčyna byŭ zatrymany 10 sakavika. U «pakajannym videa» jon kazaŭ, što zatrymany za rehistracyju ŭ płanie «Pieramoha» i za toje, što znachodzicca ŭ pratesnych čatach u fejsbuku i telehramie.
25.03.2023 / 12:25
Paźniej źjaviłasia infarmacyja pra toje, što mužčyna aryštavany na 15 sutak.
Na videa Pavieł taksama raskazaŭ, što jaho plamieńnica — aktyvistka Karyna Malinoŭskaja. Dziaŭčyna raspaviadała, što paśla źbićcia siłavikami ŭ 2020-ym hodzie straciła dzicia. Paźniej jana źjechała za miažu. Siłaviki pišuć, što tam jana «prachodziła padrychtoŭku ŭ BYPOL».
U lutym zatrymali ciotku Karyny — Irynu Savašynskuju.