У Слуцкім раёне праходзіць незвычайны конкурс — «Супердзядуля»
У мінулыя выхадныя ў СШ №13 г.Слуцка прайшоў першы этап шоу «Супердзядуля» — спартыўны конкурс «Дзядуля — спартсмен» пад дэвізам «Нам гады не бяда», паведамляе kurjer.info.
24.03.2023 / 10:35
У ім спаборнічалі шэсць удзельнікаў:
Сяргей Баранаў;
Антон Гуткоўскі;
Мікалай Яўсеенка;
Фёдар Корзун;
Міхаіл Несцярэнка
Аляксандр Рулькевіч.
У спартыўным спаборніцтве мужчынам трэба было прадэманстраваць сваю трапнасць у кіданні дроцікаў, у кіданні мяча ў баскетбольнае кальцо і праходжанні «змейкі» з мячом на хуткасць. Заключным відам спаборніцтваў была стральба з пнеўматычнай вінтоўкі па мішэні з адлегласці 10 метраў. Кіраваў стральбой настаўнік фізкультуры Сяргей Мірончык.
Усе ўдзельнікі справіліся з заданнямі. Пераможцу спартыўнага конкурсу «Супердзядуля» можна будзе даведацца 30 красавіка ў Вясейскім доме культуры, дзе будзе праходзіць асноўная частка шоу-праграмы.
Чытайце таксама:
Ролікі з конкурсу «Міс Крычаўцэментнашыфер» зайшлі ў тыктоку — больш за паўмільёна праглядаў