U Minsk pryjedzie ministr zamiežnych spraŭ Zimbabve
Ministr zamiežnych spraŭ i mižnarodnaha handlu Zimbabve Frederyk Šava 26-30 sakavika naviedaje z aficyjnym vizitam Biełaruś. Pra heta stała viadoma pa vynikach sustrečy kiraŭnika biełaruskaha MZS Siarhieja Alejnika i časovaha pavieranaha ŭ spravach Zimbabve ŭ Biełarusi Kudakvaša Łoŭrensa Haniva.
23.03.2023 / 21:21
Padčas sustrečy, jak paviedamlajecca, abmiarkoŭvaŭsia hrafik płanavanych dvuchbakovych mierapryjemstvaŭ i źmiastoŭnaje napaŭnieńnie budučaha vizitu. Baki taksama «abmianialisia dumkami pa šyrokim kole pytańniaŭ dvuchbakovaha supracoŭnictva i kanstatavali intensifikacyju biełaruska-zimbabvijskaha ŭzajemadziejańnia».
Asablivy akcent byŭ zrobleny na vykanańni damoŭlenaściaŭ, dasiahnutych pa vynikach vizitu Alaksandra Łukašenki ŭ Zimbabve.
Raniej Łukašenka kazaŭ, što ŭ Biełaruś nieŭzabavie maje dziela niečaha pryjechać žonka zimbabvijskaha prezidenta Aksiłija Mnanhahva.
A ŭ kancy studzienia sam Łukašenka ź vialikaj delehacyj, u tym liku z Irynaj Abielskaj, svajoj byłoj lekarkaj i mierkavanaj maci Mikałaja Łukašenki, pabyvaŭ u Zimbabve.
Čytajcie taksama:
Pieršaja łedzi Zimbabve pryjedzie ŭ Biełaruś