Змянілі правілы размяшчэння вонкавай рэкламы ў Мінску
Сталічныя ўлады забаранілі размяшчаць рэкламу на прыпынках, у зялёных зонах і некаторых іншых месцах. Рашэнне Мінгарвыканкама апублікавана на Нацыянальным прававым інтэрнэт-партале.
23.03.2023 / 16:52
Рашэнне Мінгарвыканкама Яно ўносіць істотныя змены ў ранейшыя «крытэрыі пагаршэння архітэктурнага аблічча будынка (збудавання), забудовы тэрыторыі ў сувязі з размяшчэннем сродкаў вонкавай рэкламы».
У прыватнасці, цяпер забаронена размяшчэнне сродкаў вонкавай рэкламы на прыпыначных навесах. Выключэнне — калі гэта прадугледжана праектам, а таксама інфармацыйныя паказальнікі і панэлі.
Пад забарону таксама патрапіла вонкавая рэклама ў месцах зялёных насаджэнняў, на турнікетах, малых архітэктурных формах, скрынях, апорах вонкавага асвятлення і ў арках будынкаў, калі гэта прыводзіць да памяншэння вышыні праёму для праезду транспарту да менш чым 4,5 м, а для праходу пешаходаў — да 4 м.
Устаноўлена і абмежаванне па колькасці рэкламных канструкцый, якія можа размясціць побач з займаным будынкам адзін рэкламараспаўсюджвальнік: не больш за адзін плакат ці іншую канструкцыю плошчай да 1 кв. м.