Прэзідэнт Фінляндыі падпісаў законы аб уступленні краіны ў НАТА
Прэзідэнт Фінляндыі Саўлі Нііністэ падпісаў законы аб уступленні краіны ў NATO, паведаміла газета Helsingin Sanomat.
23.03.2023 / 15:22
Фота: signmyrocket.com
Фінляндыя разам са Швецыяй падала заяўку на ўступленне ў НАТА неўзабаве пасля пачатку поўнамаштабнага расійскага ўварвання Расіі ва Украіну.
Для таго каб новыя краіны прынялі ў НАТА, патрабуецца згода ўсіх 30 дзяржаў, якія ўваходзяць у альянс. Пакуль заяўку Швецыі і Фінляндыі не ўхвалілі толькі Венгрыя і Турцыя.
Улады Турцыі заявілі, што будуць разглядаць толькі заяўку Фінляндыі, паколькі Швецыя не выканала вылучаныя ўмовы — не перадала 120 чалавек, абвінавачаных у Турцыі ў тэрарызме.