Błumbierh: Pryhožyn rychtujecca pierakinuć svaju «asabistuju armiju» ŭ Afryku
Zasnavalnik PVK «Vahnier» Jaŭhien Pryhožyn rychtujecca zharnuć dziejnaść hetaj vajenizavanaj hrupoŭki va Ukrainie i «znoŭ zasiarodzić svaju ŭvahu na Afrycy», paviedamlaje ahienctva Błumbierh sa spasyłkaj na nienazvanyja krynicy, «znajomyja z hetym pytańniem».
23.03.2023 / 13:56
Rasijskija siłaviki i palityčny isteblišment razhladajuć Pryhožyna jak pahrozu režymu Uładzimira Pucina, tłumačyć ahienctva, i pačynajuć stavić jamu pałki ŭ koły.
Paśla taho jak Kreml zabaraniŭ vierbavać na vajnu źniavolenych u miescach pazbaŭleńnia voli (što, zrešty, zaŭsiody było niezakonna), a samich najmitaŭ «pazbaviŭ bojeprypasaŭ» (havorka pra tak zvany «snaradny hoład», praź jaki Pryhožyn pajšoŭ na adkryty kanflikt ź Minabarony), vajavać va Ukrainie padraździaleńniam PVK «Vahnier» (jaje Błumbierh pramym tekstam nazyvaje asabistaj armijaj biznesoŭca) stała značna składaniej, piša vydańnie.
«Vojski Vahniera dahetul nie zmahli ŭziać svaju hałoŭnuju cel — ukrainski horad Bachmut — niahledziačy na miesiacy sprobaŭ i ašałamlalnyja straty, — nahadvaje Błumbierh. — Sa słoŭ ludziej, ciapier Pryhožyn płanuje znoŭ zasiarodzić uvahu na Afrycy».
Jaŭhien Pryhožyn pacvierdziŭ, što stvaryŭ «fabryku trolaŭ»
Pryhožyn źbirajecca «vyzvalać Danbas» jašče paŭtara-dva hady
Šajhu naviedaŭ front u pierajmańnie Pryhožyna — brytanskaja raźviedka