U Sieńnienskim rajonie vystavili na prodaž reštki majontka, u jakim niekali pracavaŭ Janka Kupała
U ahraharadku Połymia Sieńnienskaha rajona vystavili na aŭkcyjon reštki siadziby «Staraja Bielica», jakaja niekali naležała rodu Śviackich. Heta vynikaje ź infarmacyi, raźmieščanaj na sajcie Dziaržkammajomaści.
22.03.2023 / 18:38
Fota: au.nca.by
Abjektam aŭkcyjonu stanie hałoŭny korpus byłoha brovara i kompleks jaho budynkaŭ (śpirtaschovišča, zierniaskład, budynak małačarni i skład).
Košt hetych łotaŭ acanili ŭ 1 młn 466,5 tys. rubloŭ. Ad udzielnika spatrebicca zadatak u 293,3 tys. Aŭkcyjon maje adbycca 17 krasavika.
Zhodna z umovami aŭkcyjonu, pakupnik budzie abaviazany na praciahu 30 kalandarnych dzion paśla pierachodu da jaho prava ŭłasnaści na hety abjekt padpisać achoŭnaje abaviazacielstva.
Siadziba Śviackich «Staraja Bielica» — pomnik architektury poźniaha kłasicyzmu ChICh stahoddzia. U svoj čas jana była bujnym pramysłovym centram rehijona. Tut pracavali brovar i młyn, była fierma, dzie hadavali plemiannuju žyviołu.
U pačatku XX stahoddzia ŭ siadzibie ŭ jakaści małodšaha prykazčyka žyŭ i pracavaŭ Janka Kupała.