Brytanski sud adchiliŭ pazoŭ Synesis ab źniaćci sankcyj
Heta pieršy taki pazoŭ, padadzieny ŭ adpaviednaści z Pałažeńniem ab sudovym pierahladzie sankcyjnych rašeńniaŭ, piša Dev.by.
22.03.2023 / 13:17
Suddzia Vysokaha suda Łondana Robiert Džej adchiliŭ pazoŭ kampanii Synesis ab skasavańni pastanovy brytanskaha MZS ab sankcyjach.
Jak adznačajecca ŭ sudovym rašeńni, heta pieršaja sprava ŭ adpaviednaści z Pałažeńniem ab sudovym pierahladzie brytanskaha Zakona ab sankcyjach i baraćbie z admyvańniem hrošaj 2018 hoda.
Vialikabrytanija dałučyłasia da treciaha pakieta sankcyj JeS suprać biełaruskich čynoŭnikaŭ i kampanij 18 śniežnia 2020 hoda. U jaho trapili 29 čałaviek i 7 jurydyčnych asob, u tym liku TAA «Sinezis» jak raspracoŭščyk sistemy raspaznavańnia tvaraŭ Kipod.
Pavodle viersii Rady JeS, Synesis zabiaśpiečyła biełaruskija ŭłady płatformaj nazirańnia, jakaja zdolnaja analizavać videa z užyvańniem technałohii raspaznavańnia tvaraŭ. Heta robić kampaniju adkaznaj za represii biełaruskaha dziaržaŭnaha aparatu ŭ dačynieńni da hramadzianskaj supolnaści i demakratyčnaj apazicyi».
Budučy niazhodnaj z vysnovami Rady JeS, Synesis abskardziła sankcyi ŭ sudzie JeS, adnak rašeńnia pa spravie jašče niama.
24 lutaha 2022 hoda Synesis trapiła pad sankcyi ZŠA.