У Мінску на вуду аферыстаў трапілася нават жонка работніка банка. А муж папярэджваў
У Цэнтральнае РУУС сталіцы звярнулася жанчына, якая стала ахвярай кіберзлачынцаў.
22.03.2023 / 11:13
Жанчыне патэлефанавалі праз месенджар і паведамілі, што махляр спрабуе ўзяць крэдыт на яе імя.
Для таго, каб засцерагчы свае грошы, а таксама дапамагчы вылічыць аферыста, мінчанцы неабходна аформіць крэдыт на сваё імя, а пасля ўсталяваць на смартфон пэўны дадатак. Жанчына выканала ўсе ўказанні і страціла 7 тысяч рублёў.
Характэрна, што муж жанчыны працуе ў банку і неаднаразова ёй распавядаў пра такую схему махлярства, паведамляе «Міліцыя Мінска».
Следчыя распачалі крымінальную справу.