Мінчук прыстрэльваў стрэльбу з балкона і параніў мінака
У сталічную міліцыю паступіла паведамленне ад брыгады хуткай медыцынскай дапамогі: у бальніцу даставілі мужчыну з агнястрэльным раненнем левай рукі.
22.03.2023 / 09:26
Супрацоўнікі крымінальнага вышуку Фрунзенскага РУУС сумесна з калегамі з ГУУС высветлілі абставіны здарэння і пры сілавой падтрымцы АМАПа затрымалі 64-гадовага мінчука, паведамляе «Міліцыя Мінска».
Пенсіянер растлумачыў, што ў 2018 годзе набыў пнеўматычную стрэльбу.
А з балкона сваёй кватэры, размешчанай на трэцім паверсе, прыстрэльваў сваю стрэльбу і трапіў у руку мужчыну, які праходзіў міма.
Хуткую дапамогу пацярпеламу выклікалі работнікі суседняга шынамантажу.
Заведзена крымінальная справа за хуліганства.
Чытайце таксама: