Na Dzień Voli ŭ Kaŭnasie adbudziecca adkryćcio pomnika na mahile Kłaŭdzija Duž-Dušeŭskaha
Kłub «Licviny» zaprašaje biełarusaŭ na ŭračystaje adkryćcio pomnika Kłaŭdziju Duž-Dušeŭskamu, vybitnamu biełaruskamu architektaru, žurnalistu i hramadskamu dziejaču. Jon naradziŭsia ŭ Biełarusi, prajšoŭ doŭhi šlach represij za abaronu nacyjanalnaj biełaruskaj śviadomaści, syšoŭ z žyćcia i pachavany ŭ Kaunasie.
21.03.2023 / 18:06
Kłaŭdzij Duž-Dušeŭski. Fota: Vikipiedyja
Duž-Dušeŭski byŭ aŭtaram eskizu bieła-čyrvona-biełaha ściaha, jaki byŭ dziaržaŭnym ściaham Biełaruskaj Narodnaj Respubliki, abvieščanaj 25 sakavika 1918 hoda.
Uračystaja cyrymonija adkryćcia pomnika, prymierkavanaja da śviatkavańnia 105-j hadaviny abviaščeńnia BNR, adbudziecca a 15-j hadzinie 25 sakavika 2023 hoda ŭ Kaunasie.
Dla udziełu ŭ mierapryjemstvie płanujecca dastaŭka aŭtobusam ad Łukišskaj płoščy. Košt pajezdki na mierapryjemstva i nazad 10 jeŭra. Adjezd ad płoščy a 13-j hadzinie. Kolkaść miescaŭ abmiežavanaja. Dla zapisu i ŭdziełu ŭ mierapryjemstvie pišycie ŭ telehram-bot (z paznakaj «Duž-Dušeŭski»).
Čytajcie taksama:
Na mahile aŭtara bieł-čyrvona-biełaha ściaha pačali stavić novy pomnik
Jak bieł-čyrvona-bieły ściah staŭ nacyjanalnym
«Naš ściah taptali i niščyli, a jon žyvie». Apošniaje intervju historyka Uładzimira Lachoŭskaha