Na homielskim «Zavodzie lićcia i narmalaŭ» adbylisia zatrymańni. Zatrymanyja 14 čałaviek — SMI
«Pryjechaŭ AMAP na «busikach», naŭprost na terytoryju zavoda. Chapali ludziej vielmi žorstka. Kłali na asfalt, załomvali ruki, apranali kajdanki», — raspaviała krynica «Svabody». Pavodle surazmoŭcy, takim čynam byli zatrymanyja 14 čałaviek.
21.03.2023 / 12:54
Fota: «Radyjo Svaboda»
U telehram-kanałach, źviazanych ź siłavikami, źjaviłasia videa pra «adpracoŭku» ŭ Homieli 30 čałaviek. Ich pravieryli «na pradmiet sadziejničańnia ekstremisckim farmavańniam» i «vyjavili suviazi z zamiežnymi ŭdzielnikami ekstremisckich farmavańniaŭ». Dvaccać čałaviek pryciahnuli da adkaznaści.
«Radyjo Svaboda» piša, što absalutnuju bolšaść zatrymanych asudzili na 15 sutak aryštu. Svajaki zatrymanych paviedamlajuć, što dla «palityčnych» ciapier u homielskim IČU nie prymajuć anijakich pieradač.
«Nie pryniali navat vadu, navat tualetnuju papieru dla zatrymanych», — kažuć surazmoŭcy.
Čytajcie taksama:
U Homieli adbylisia masavyja zatrymańni. U schoplenych — ślady źbićcia na tvarach