Novyja detali pra zatrymanych u Polščy biełarusaŭ, jakich vinavaciać u špijanažy na karyść Rasii
U adnym ź siužetaŭ dziaržTB pakazali dakumient, jak śćviardžajecca, z polskaj prakuratury.
19.03.2023 / 23:20
28-hadovy Uładzisłaŭ Paśmiciucha, jaho dziaŭčyna — 18-hadovaja Maryja Miadźviedzieva i 41-hadovy Mikałaj Maskalenka. Fota: sacsietki zatrymanych i «Kibierpartyzany»
Hety dakumient, jak kažuć pa BT, pastupiŭ u konsulstva Biełarusi ŭ Biała-Padlascy ź Lublinskaha addzieła Departamienta pa baraćbie z arhanizavanaj złačynnaściu i karupcyjaj polskaj prakuratury.
U dakumiencie možna razhledzieć tekst abvinavačańnia Mikałaja Maskalenki.
Tam śćviardžajecca, što jon z 2018 hoda ŭ horadzie Biała-Padlaska i inšych haradach Lublinskaha vajavodstva braŭ udzieł u vajskova-raźviedvalnaj dziejnaści KDB Biełarusi suprać Polščy. Maskalenka, zhodna z dakumientam, naziraŭ za aeradromam u Biała-Padlascy i źbiraŭ infarmacyju pra toje, što tam adbyvajecca.
Dakumient ź siužeta BT. Skrynšot videa
Maskalenku ŭziali pad vartu z 1 sakavika pa 28 maja. Jon ciapier siadzić u Lublinie.
Pra dvuch inšych zatrymanych raskazvaje viadučaja, sami dakumienty razhledzieć niemahčyma.
Uładzisłava Paśmiciuchu aryštavali na 3 miesiacy, Maryju Miadźviedzievu — na 1 miesiac.
Uładzisłava, jak kaža viadučaja, vinavaciać va ŭdziele z 5 studzienia pa 6 sakavika ŭ arhanizavanaj złačynnaj hrupie pad kiraŭnictvam nieŭstanoŭlenaj asoby pa imieni Andrej. Udzielniki hrupy pavinny byli źbirać infarmacyju pra abjekty krytyčnaj infrastruktury.
Čytajcie taksama: