Na Palessi źjaviłasia ŭłasnaje mora
Druhi hod zapar na kałhasnym poli pad Pinskam raźlivajecca Jasielda. Navajaŭleny vadajom ablubavali lebiedzi i kački, paviedamlaje «Miedyja-Palessie».
18.03.2023 / 14:01
U hetym hodzie razvoddzie pačałosia ŭ studzieni. Z-za daždžoŭ i rastavańnia śniehu padniaŭsia ŭzrovień hruntavych vod, praktyčna ŭsie reki Palessia vyjšli na pojmu. Naprykład, u Pinsku hałoŭnaja vodnaja arteryja — Pina vyjšła na nabiarežnuju i padstupiła da novabudoŭli ŭ novym mikrarajonie horada.
Niezvyčajnuju karcinu hetymi dniami mohuć nazirać aŭtamabilisty ŭzdoŭž trasy M-10. Ad mosta praz raku Jasielda da samaha lesu, kali jechać u bok Łuninca, dziasiatki hiektaraŭ ziamli syšli pad vadu.
Časovy vadajom ablubavali lebiedzi i kački. Ich tut nie mienš za sotniu.