Turcyja aficyjna admoviłasia absłuhoŭvać samaloty ź Biełarusi i Rasii
Pastanovu ab admovie Turcyi absłuhoŭvać samaloty ź Biełarusi i Rasii pryniało Ministerstva mytni i handlu, paviedamlaje airporthaber.com. Abmiežavańnie tyčycca i ich zapraŭki.
16.03.2023 / 21:54
Turcyja spasyłajecca na pahrozu sankcyj z boku ZŠA — raniej tureckija ŭłady atrymali papieradžalnyja listy nakont hetaha ad Minhandlu Złučanych Štataŭ. ZŠA ličać, što paloty na amierykanskich samalotach Boeing parušajuć ich sankcyi, uviedzienyja suprać Biełarusi i Rasii.
Zhadanyja sankcyi akurat i tyčacca samalotaŭ Boeing amierykanskaj vytvorčaści, jakich u «Biełavija» 14.
Pra toje, što ŭ «čorny śpis» u Turcyi trapili 170 samalotaŭ, u tym liku i tyja, što naležać biełaruskamu pieravozčyku «Biełavija», stała viadoma ŭ kancy studzienia. U vyniku z 14 sakavika hetyja samaloty vymušanyja dazapraŭlacca ŭ Sočy, što ŭpłyvaje na čas i kamfort padarožža.
Čytajcie taksama:
Turcyja pierastała afarmlać rasijskija hruzy, ale ź biełaruskimi jašče pracuje