U Hrodnie zatrymali biełaruskamoŭnuju pradprymalnicu Kaciarynu Šust
Kaliści jana była bałatavałasia ŭ deputaty ŭ Słucku jak «samy pryhožy kandydat».
16.03.2023 / 19:48
Kaciaryna Šust. Fota ź jaje staronki ŭ fejsbuku
Kaciaryna Šust — kolišniaja aktyvistka partyi BNF. U 2016-m jana ad partyi bałatavałasia ŭ deputaty ŭ Słucku pad brendam #SamyPryhožyKandydat. Taksama jana doŭhi čas pracavała pradavačkaj biełaruskaj simvoliki i pisała artykuły dla «Novaha Času».
U videa HUBAZiK dziaŭčyna pramaŭlaje vyklučna pa-biełarusku — raniej byłyja zatrymanyja raspaviadali, što siłaviki zabaraniajuć razmaŭlać ź imi na kamieru pa-biełarusku, tamu heta mocny krok. Jana kaža ŭ videa, što «raspaŭsiudžvała ekstremisckija materyjały» i, byccam, «prajšła rehistracyju ŭ čat-bocie płana «Pieramoha».