У Гродна затрымалі беларускамоўную прадпрымальніцу Кацярыну Шуст
Калісьці яна была балатавалася ў дэпутаты ў Слуцку як «самы прыгожы кандыдат».
16.03.2023 / 19:48
Кацярына Шуст. Фота з яе старонку ў фэйсбуку
Кацярына Шуст — колішняя актывістка Партыі БНФ. У 2016-м яна ад партыі балатавалася ў дэпутаты ў Слуцку пад брэндам #СамыПрыгожыКандыдат. Таксама яна доўгі час працавала прадавачкай беларускай сімволікі і пісала артыкулы для «Новага Часу».
У відэа ГУБАЗіК дзяўчына прамаўляе выключна па-беларуску — раней былыя затрыманыя распавядалі, што сілавікі забараняюць размаўляць з імі на камеру па-беларуску, таму гэта моцны крок. Яна кажа ў відэа, што «распаўсюджвала экстрэмісцкія матэрыялы» і, быццам, «прайшла рэгістрацыю ў чат-боце плана «Перамога»».