Čysty prybytak «Hazprama» ŭ 2022 hodzie źmienšyŭsia ŭ try razy
Pa vynikach 2022 hoda čysty prybytak «Hazprama» skłaŭ 747,246 miljarda rasijskich rubloŭ, paviedamiŭ «Kommiersant» sa spasyłkaj na spravazdačnaść kampanii. Hety pakazčyk źmienšyŭsia ŭ paraŭnańni z 2021 hodam bolš čym u try razy, abo na 72,2%.
16.03.2023 / 18:07
Fota: Dmitry Lovetsky, AP
U 2021 hodzie čysty prybytak kampanii, pavodle jaje spravazdačy, składaŭ 2,684 tryljona rasijskich rubloŭ.
U svaju čarhu, vyručka «Hazproma» ŭ 2022 hodzie dasiahnuła 7,979 tryljona rubloŭ, što prykładna na 25% bolš za hety samy pakazčyk papiaredniaha hoda. Tady jana składała 6,39 tryljona rubloŭ, adznačaje RBK.
Pavodle infarmacyi «Kommiersanta», u 2022 hodzie zdabyča hazu ŭ Rasii ŭpała na 11,8% — da 672 miljardaŭ kubamietraŭ. Heta adbyłosia na fonie skaračeńnia pastavak u Jeŭropu da histaryčnaha minimumu.
Čytajcie taksama:
Rasija pachavała hazapravody «Paŭnočny patok» — Reuters
Ekspart rasijskaha trubapravodnaha hazu ŭ Jeŭropu abvaliŭsia da postsavieckaha minimumu
Čamu Jeŭropa nie zamierzła biez rasijskaha hazu. I ci doŭha jana jašče pratrymajecca?