Andžej Duda: Polšča pieradaść Ukrainie čatyry MiH-29 ciaham pary dzion

Prezident Polščy Andžej Duda zajaviŭ, što ŭ najbližejšyja paru dzion Varšava pieradaść Kijevu svaje źniščalniki MiH-29. Pra heta jon skazaŭ na pres-kanfierencyi sa svaim češskim kaleham Petram Pavełam.

16.03.2023 / 17:42

Andžej Duda (sprava) z Petram Paŭłam

Čatyrma pieršymi źniščalnikami Polšča abmiažoŭvacca nie źbirajecca, inšyja samaloty taksama rychtujucca da adpraŭki.

«Astatnija samaloty ciapier prachodziać servisnaje absłuhoŭvańnie, buduć padrychtavanyja i buduć paśpiachova pieradadzienyja», — zajaviŭ polski prezident.

Polšča maje ŭ zapasie bolš za 10 MiH-29, jany ciapier funkcyjanujuć u sistemie polskaj supraćpavietranaj abarony. Heta «apošnija hady ich funkcyjanavańnia», ale ŭsie mašyny ŭ pracoŭnym stanie.

Raniej polskija ŭłady paviedamlali, što ŭžo pieradali Ukrainie zapčastki dla źniščalnikaŭ MiH-29.

Čytajcie taksama:

Polšča hatovaja pieradać Ukrainie partyju MiH-29 u najbližejšyja tydni. Jaje padtrymajuć inšyja krainy

Haŭbica RCH 155 — novaja niamieckaja zbroja, jakuju pieršaj atrymaje Ukraina

Čamu rasijskaja avijacyja tak słaba prajaviła siabie va Ukrainie: piać pamyłak Pucina

Nashaniva.com