Галоўны рэдактар «Інфа-Кур'ера» і яго намеснік знаходзяцца ў слуцкім ізалятары. Газету адмаўляюцца браць у кіёскі
Як стала вядома «Беларускай асацыяцыі журналістаў», пасля ўчарашняга ператрусу ў рэдакцыі незалежнага слуцкага медыя «Інфа-Кур'ер» галоўны рэдактар і уладальнік газеты Сяргей Станкевіч, а таксама яго намеснік Алег Рубчэня былі накіраваны ў мясцовы ІЧУ.
16.03.2023 / 12:02
БАЖ даведалася, што сілавікі ўчора падчас вобшуку забралі з рэдакцыі ўсю асноўную тэхніку.
Наклад газеты, які паспеў ўчора выйсці, ужо адмаўляюцца прымаць крамы Белсаюздруку.
Учора таксама прайшоў ператрус у доме рэдактара «Рэгіянальнай газеты» Аляксандра Манцэвіча ў Вілейцы.