Na Filipinach źbirajuć čałaviečyja vałasy, adzieńnie i butelki. Zdahadajciesia, navošta
U kancy lutaha tankier z palivam zatanuŭ za niekalki socień kiłamietraŭ ad adnaho z astravoŭ Filipin i 800 tysiač litraŭ nafty trapiła ŭ mora. Heta nanosić škodu jak ludziam, tak i pryrodzie, i ekanomicy. Dla baraćby z hetaj ekałahičnaj katastrofaj žychary Filipin źbirajuć vałasy, adzieńnie i butelki.
15.03.2023 / 22:02
Usio heta možna vykarystoŭvać jak impravizavanyja barjery dla strymlivańnia raspaŭsiudžvańnia nafty: vałasy i adzieńnie ŭpakoŭvajuć i ščylna źviazvajuć, a butelki pavinny ŭtrymlivać taki «barjer» na vadzie i nie davać patanuć.
Navukoŭcy ŭžo daŭno dakazali, što vałasy, poŭść svojskich žyvioł i flis zdolnyja ačyščać naftavyja vykidy. Jany robiać heta lepš za celułozu i bavoŭnu.