Biełaruskim lohkaatletam praciahnuli adchileńnie ad mižnarodnych spabornictvaŭ
Rada Jeŭrapiejskaj lohkaatletyčnaj asacyjacyi praciahnuła zabaronu na ŭdzieł u spabornictvach pad ehidaj asacyjacyi dla rasijskich i biełaruskich spartśmienaŭ. Adchileńnie budzie dziejničać da kanca vajny.
15.03.2023 / 19:08
Fota ilustracyjnaje
«Tak jak vajna va Ukrainie praciahvajecca ŭžo bolš za hod, Jeŭrapiejskaja lohkaatletyčnaja rada chacieła pakazać, što my nie źmianili svaju pazicyju adnosna zabarony dla rasijskich i biełaruskich spartśmienaŭ, dapamožnaha piersanału i inšych aficyjnych asob nie tolki na ŭdzieł u spabornictvach, ale i na [prysutnaść] na ŭsich mierapryjemstvach», — skazaŭ prezident Jeŭrapiejskaj asacyjacyi lohkaj atletyki Dabramir Karamarynaŭ.
Zabarona na ŭdzieł biełaruskich i rasijskich spartśmienaŭ u mižnarodnych spabornictvach była ŭviedziena 1 sakavika 2022 hoda paśla ŭvarvańnia Rasii va Ukrainu pry padtrymcy režymu Łukašenki.
Čytajcie taksama:
Mižnarodny alimpijski kamitet nie płanuje zdymać sankcyi ź Biełarusi