«Безразважныя і некампетэнтныя дзеянні». Над Чорным морам расіяне збілі амерыканскі дрон
Еўрапейскае камандаванне ВПС ЗША сёння заявіла, што праз «безразважныя і некампетэнтныя» дзеянні экіпажа расійскага самалёта Су-27 над Чорным морам у міжнародных водах быў збіты разведвальны беспілотны апарат ВПС ЗША MQ-9 Reaper.
14.03.2023 / 20:28
У заяве камандавання сказана, што сёння ў 7:03 па сярэднееўрапейскім часе два расійскія самалёты Су-27 здзейснілі «небяспечны і непрафесійны» перахоп дрона.
Адзін з расійскіх самалётаў, гаворыцца ў заяве, ударыў па вінту MQ-9, у выніку чаго амерыканскім сілам давялося збіць дрон.
«Наш самалёт MQ-9 выконваў звычайныя аперацыі ў міжнароднай паветранай прасторы, калі ён быў перахоплены і збіты расійскім самалётам, што прывяло да падзення і поўнай страты MQ-9, — сказаў камандуючы ВПС ЗША генерал Джэймс Хекер. — Гэтае небяспечнае і непрафесійнае дзеянне расіян ледзь не прывяло да падзення абодвух самалётаў».
Хекер дадаў, што самалёты ЗША і саюзнікаў працягнуць здзяйсняць палёты ў міжнароднай паветранай прасторы — у адпаведнасці з міжнароднымі законамі. «Агрэсіўныя дзеянні» расійскага экіпажа «небяспечныя і могуць прывесці да праліку і ненаўмыснай эскалацыі», падкрэсліў генерал.
Чытайце таксама:
Чаму расійская авіяцыя так слаба праявіла сябе ва Украіне: пяць памылак Пуціна
СМІ: Расія на наступным этапе вайны плануе масава задзейнічаць супраць Украіны авіяцыю