Чыжоўскі Evo wellness club зноў не змаглі прадаць
На таргах у Мінску зноў не змаглі прадаць элітны аздараўленчы комплекс Evo wellness club у Менску, які належыць кампаніі «Трайпл» апальнага бізнэсоўца Юрыя Чыжа. Яго спрабавалі прадаць на пляцоўцы ЗАТ «Белрэалізацыя», але ахвотных набыць нерухомасць не знайшлося, піша «Зеркало».
14.03.2023 / 18:58
Фота: Яндэкс-Карты
Таргі, прызначаныя на 14 сакавіка, але не адбыліся, бо не знайшлося ахвотных у іх удзельнічаць. Цяпер чакаюцца паўторныя таргі.
Клуб прапаноўвалі ўдзельнікам аўкцыёну за 12 млн 13 тыс. рублёў. Гэтая сума на 1 млн 335 тыс. рублёў (10%) меншая, чым была на папярэдніх таргах 5 студзеня, якія таксама не адбыліся. Тады за нерухомасць хацелі атрымаць 13 млн 348 тыс. рублёў.
Evo wellness club размяшчаецца ў Мінску па адрасе вул. Максіма Багдановіча, 155. Гэта вялікі комплекс плошчай звыш 4 тысячы «квадратаў» з фітнэс-цэнтрам, спа-зонай, басейнам, салонам прыгажосці, рэстаранам і іншымі ўстановамі для наведвальнікаў і персаналу. Паводле пэўных звестак, установа ўжо некалькі гадоў была стратнай
Чытайце таксама:
Элітны фітнэс-клуб Чыжа за месяц патаннеў на 375 тысяч даляраў