U Hruzii prajšła prarasijskaja akcyja pratestu suprać zbližeńnia ź JeS
La budynka hruzinskaha parłamienta ŭ Tbilisi prajšoŭ mitynh «Kansiervatyŭnaha ruchu» Hruzii. U akcyi pryniali ŭdzieł kala tysiačy čałaviek, paviedamlaje BBC. Jaje ŭdzielniki sarvali i spalili vialiki ściah JeS, jaki zvyčajna visić na fłahštoku la fasada parłamienta. Palicyja nie ŭmiešvałasia ŭ padziei.
14.03.2023 / 14:28
Fota: BBC
Na minułym tydni ŭ Tbilisia adbylisia šmattysiačnyja demanstracyi, udzielniki jakich patrabavali nie prymać zakony ab dziejnaści «zamiežnych ahientaŭ», jaki nahadvaŭ rasijski zakon.
Paśla sutyknieńniaŭ, jakija doŭžylisia dva dni, deputaty prahałasavali suprać zakonaprajekta. Tym nie mienš kirujučaja partyja «Hruzinskaja mara» zajaviła, što budzie tłumačyć hramadzianam jaho sutnaść, naziralniki nie vyklučajuć, što zakon moža być vyniesieny na abmierkavańnie znoŭ.
Usie zatrymanyja ŭ vyniku biesparadkaŭ byli adpuščanyja, adnak hruzinskija SMI paviedamlajuć, što mnohim udzielnikam pratestaŭ 7-9 sakavika pryjšli vykliki ŭ palicyju.
Čytajcie taksama:
«Zmaharydze — usio!» Łukašenkaŭskija prapahandysty ŭ hruzinskich padziejach vybrali svoj bok