Novyja vieršy Andreja Skurko, ilustravanyja štučnym intelektam
Paŭlina Skurko apublikavała ŭ instahramie novyja dziciačyja vieršy svajho muža, palitźniavolenaha našaniŭca Andreja Skurko. Hetym razam dla ilustracyi vieršaŭ jana vykarystała štučny intelekt.
14.03.2023 / 11:38
«Upieršyniu zabaŭlałasia niejrasietkami: zahružała Andrejevy vieršy i čakała, jak ich prailustruje», — napisała Paŭlina. Vynik jaje zadavoliŭ. «Adzin z samych udałych prykładaŭ ilustravańnia štučnym intelektam», — ličyć jana.
Ilustracyi: skurkopaulina / Instagram
RRRRRRR
Što za hrukat,
Što za huk?
Heta jedzie burunduk!
Prykaciŭ u bor jon raptam
I pryvioz arechaŭ traktar.
Dla vaviorak i babroŭ —
Dla siabrovak i siabroŭ.
Jak uhryźlisia ŭ arechi,
Pralacieła boram recha.
Hryz arechi navat tyhr
I kazaŭ vaviorkam: «R-r-r!»
***
Žyŭ na śviecie Chto-nichto,
Chatku mieŭ i palito,
Šafu mieŭ i chaładzilnik
(I maleniečki budzilnik).
Chaładnik lubiŭ sa ščaŭjem
I chałvu z haračym čajem.
Z chamiakami siabravaŭ,
Ź imi ŭ chovanki hulaŭ.
Prahulacca ŭnačy
Vylataŭ jon na chruščy.
I karmiŭ chrušča listom
Kala chatki pad kustom.