U Iranie pamiłavali kala 22 tysiač udzielnikaŭ pratestaŭ
Dziaržaŭnaje infarmacyjnaje ahienctva Irana IRNA paviedamiła, što ŭ paniadziełak kiraŭnik miascovaj sudovaj ułady Halam Chasejn Machseni-Edžei zajaviŭ ab amnistavańni 82 656 čałaviek, u tym liku 22 tysiač udzielnikaŭ pratestaŭ, jakija prakacilisia pa krainie ŭ minułym hodzie.
13.03.2023 / 22:59
Halam Chasejn Machseni-Edžei
Edžei adznačyŭ, što ŭsie pamiłavanyja «nie ździajśniali kradziažoŭ ci hvałtoŭnych złačynstvaŭ».
Miesiacy bieśpierapynnych pratestaŭ byli vyklikanyja ŭ vieraśni zabojstvam 22-hadovaj Machsy Amini paśla taho, jak jaje zatrymała palicyja noravaŭ krainy. U minułym miesiacy Iran pryznaŭ, što padčas pratestaŭ zatrymali «dziasiatki tysiač», tamu ŭ zajavie Edžei ŭ paniadziełak pryvodzicca navat bolš vysokaja ličba, čym raniej nazyvali aktyvisty.
Pravaabaroncy ŭ Iranie, jakija adsočvajuć represii, paviedamlali, što padčas pratestaŭ było aryštavana bolš za 19 700 čałaviek. Pa ich infarmacyi, jak minimum 530 čałaviek byli zabityja ŭ vyniku žorstkaha zadušeńnia demanstracyj uładami.
Čytajcie taksama:
Samalot z Minska ŭ Tehieran budzie lotać dva razy na tydzień
Łukašenka damoviŭsia ŭ Iranie pra ŭzajemnaje pryznańnie chalalnaj pradukcyi