Na «Biełaruśfilmie» zrobiać novuju ekranizacyju «Čornaha zamka Alšanskaha». Z rasijskim režysioram i rasijskimi akciorami
Na kinastudyi «Biełaruśfilm» płanujuć źniać histaryčny błokbastar pavodle ramana Uładzimira Karatkieviča «Čorny zamak Alšanski», paviedamlaje BiełTA.
13.03.2023 / 20:45
Ruiny zamka ŭ Halšanach na Ašmianščynie
Kinastudyja vykupiła pravy na ekranizacyju ramana bolš za 10 hadoŭ tamu ŭ plamieńnicy Karatkieviča. A ciapier na zdymki znajšlisia i hrošy.
Zdymki stužki z pracoŭnaj nazvaj «Čorny zamak» pačnucca ŭžo ŭ krasaviku, ale biełaruskaha režysiora dla hetaha nie znajšłosia. Zdymać budzie rasijanin Kirył Kuzin pa scenaryi pradziusara Hleba Špryhava, buduć udzielničać i niejkija rasijskija kinazorki, proźviščy jakich pakul nie nazyvajucca.
Zdymać naturnyja siužety buduć u Biełarusi, u adroźnieńnie ad raniejšaha filma na hetuju temu, źniataha ŭ 1984 hodzie Michaiłam Ptašukom. Maršrut pabudavany ŭ try dziasiatki łakacyj. U tym liku ŭ kadry apynucca kaścioł Śviatoj Vieraniki ŭ vioscy Sielišča, siadziba Čapskich u Pryłukach, Mirski zamak i mnohija inšyja pomniki architektury.
Zaviaršyć zdymki płanujecca da pačatku lipienia, a na ekrany film vyjdzie viasnoj 2024 hoda.
Čytajcie taksama:
Pra złych palakaŭ i partyzan. Što zdymajuć na «Biełaruśfilmie» ŭ apošnija hady
Na YouTube vykłali adrestaŭravanuju viersiju filma «Dzikaje palavańnie karala Stacha»
«Adolf» z «Pieršaha addzieła»: jak były śpiecsłužbist kašmaryć «Biełaruśfilm»