Prezident Irana paabiacaŭ padzialicca z Biełarussiu dośviedam abychodzić sankcyi
Iran hatovy padzialicca z Biełarussiu svaim dośviedam supraćstajańnia sankcyjam. Pra heta prezident Irana Ebrachim Raisi zajaviŭ na sustrečy sa SMI pa vynikach pierahavoraŭ u Tehieranie z Alaksandram Łukašenkam, pieradaje BiełTA.
13.03.2023 / 12:33
«My hatovy dzialicca našym vopytam u hetym napramku», — skazaŭ Ebrachim Raisi.
Łukašenka pahadziŭsia, što Iranu jość čym dzialicca.
«Vašy prodki viedali ab łahistycy, eksparcie, tranzicie značna bolš za tych, chto bolš za sorak hadoŭ dušyć vašu krainu sankcyjami i sprabuje nasadžać tak zvanyja demakratyčnyja kaštoŭnaści. Jany, vidać, tolki zabylisia, što ŭ kožnaha naroda jość svaje kaštoŭnaści, jakija vyciakajuć ź jaho kultury, ładu žyćcia, vychavańnia, relihii, i z hetymi kaštoŭnaściami treba ličycca. Mienavita ŭ hetym załoh mirnaha suisnavańnia. Tam, dzie pra heta zabyvajucca, pačynajucca vojny», — skazaŭ Łukašenka.
Pa vynikach pierahavoraŭ Alaksandr Łukašenka i Ebrachim Raisi padpisali darožnuju kartu ŭsiebakovaha supracoŭnictva pamiž krainami na 2023—2026 hady.