Paśla razmovy z pravakataram u čat-ruletcy za słovy padtrymki Ukrainie zatrymali rasijanina
Łukašysty pachvalilisia zatrymańniem hramadzianina Rasii, jaki žyvie ŭ Łahojsku. Im u hetym dapamoh sumna viadomy pravakatar z Mazyra Juryj Komar, paśla razmoŭ ź jakim zatrymali nie adzin dziasiatak čałaviek, piša reform.by.
12.03.2023 / 21:38
Padčas razmovy jon pryvitaŭ Komara vokličam «Słava Ukrainie», a taksama raskazaŭ, što padtrymlivaje Ukrainu «ŭsimi rukami i nahami, i ciełam, i dušoj», vykazaŭsia pra Pucina i Łukašenku.
Łukašysty śćviardžajuć, što mužčynam užo cikavilisia orhany departamienta pa mihracyi i paśla pakarańnia jon budzie departavany. Imia mužčyny nie nazyvajecca.
Pra dziejnaść Juryja Komara stała viadoma na pačatku hetaha hoda. Paśla publikacyj pra jaho sadziejničańnie represiŭnym orhanam režymu Łukašenki jon straciŭ pracu dalnabojnika ŭ Polščy.
Pravakatara z čat-ruletki, pa čyich navodkach zatrymlivali ludziej, zvolnili z polskaj firmy