Hałoŭčanka skazaŭ, kali ŭ Biełarusi dziaržava pierastanie rehulavać ceny
Premjer-ministra Biełarusi Ramana Hałoŭčanku ŭ prahramie «Pytańnie numar adzin» na BT spytali pra sistemu rehulavańnia cen. Čynoŭnik adznačyŭ, što dziaržava pierastanie trymać ceny tolki tady, kali buduć vykananyja peŭnyja ŭmovy.
12.03.2023 / 16:42
U pryvatnaści, jon zaznačyŭ, što admianić rehulavańnie cen mohuć, kali ŭ sfiery handlu navučacca pracavać «pa spraviadlivaści».
«Jak tolki my ŭbačym, što situacyja z cenaŭtvareńniem poŭnaściu pryjšła ŭ normu i cana farmujecca spraviadliva, biez honki za zvyšprybytkami i zakładvańnia vialikich vydatkaŭ u sabiekošt, viadoma, tady budzie madernizavacca i sistema rehulavańnia cen», — skazaŭ Hałoŭčanka.
Pa słovach Hałoŭčanki, u dziaržavie pastaŭlenaja zadača ŭtrymać inflacyju ŭ miežach 7-8% za hod.