Na punkcie propusku «Kamienny Łoh» fura ŭrezałasia ŭ rejsavy aŭtobus

Uviečary 10 sakavika fura ŭrezałasia ŭ rejsavy aŭtobus na punkcie propusku «Kamienny Łoh», što na biełaruska-litoŭskaj miažy. Pra heta napisała vydańnie Tochka.by, jakomu videa z miesca zdareńnia dasłali čytačy.

11.03.2023 / 18:39

Pakolki na borcie aŭtobusa była bačnaja simvolika «Minsktransa», to redakcyja vydańnia źviazałasia z pieravozčykam i daviedałasia detali zdareńnia.

Fura vriezałaś v passažirskij avtobus na punktie propuska "Kamiennyj łoh" pic.twitter.com/UCJdT3v4h0

— Foto/Vidieo (@FotoVid81878667) March 11, 2023

Rejsavy aŭtobus jechaŭ z Vilni ŭ Minsk, z litoŭskaj stalicy jon vyjechaŭ u 16:00. Paśla taho, jak zdaryłasia heta DTZ, usich pasažyraŭ davieźli da Minska na padmiennym transparcie. Sam aŭtobus atrymaŭ lohkija paškodžańni i svaim chodam dabraŭsia da bazy. Nichto ŭ avaryi nie paciarpieŭ.

U «Minsktransie» ŭdakładnili, što vinavaty ŭ DTZ kiroŭca fury.

«Vina nie našaha aŭtobusa. Usich pasažyraŭ pierasadzili i davieźli da kančatkovaha punkta ruchu. Aŭtobus, jaki trapiŭ u DTZ, paśpiachova viarnuŭsia ŭ Minsk svaim chodam», — skazała pres-sakratarka DP «Minsktrans» Alena Hramyka.

Nashaniva.com