UPC Maskoŭskaha patryjarchatu da kanca sakavika musić pakinuć Kijeva-Piačerskuju łaŭru
Manachi i słužycieli Ukrainskaj Pravasłaŭnaj Carkvy Maskoŭskaha patryjarchatu pavinny ŭ kancy sakavika pakinuć usie pamiaškańni Kijeva-Piačerskaj łaŭry, paviedamiŭ ministr kultury i infarmacyjnaj palityki Ukrainy Alaksandr Tkačenka.
10.03.2023 / 23:35
Ministr paviedamiŭ, što damova na biezapłatnaje karystańnia UPC Kijeva-Piačerskaj łaŭraj razryvajecca z 29 sakavika 2023 hoda i heta tyčycca ŭsich pamiaškańniaŭ, jakija UPC u Łaŭry aranduje.
Pakolki Kijeva-Piačerskaja łaŭra źjaŭlajecca ŭłasnaściu ŭkrainskaj dziaržavy, to vysialeńnie adtul UPC robicca na padstavie vysnoŭ mižviedamasnaj pracoŭnaj hrupy, jakaja padčas svajoj pracy ŭstanaviła parušeńnie manastyrom umoŭ damovy pa vykarystańni dziaržaŭnaj majomaściu.
Tkačenka paviedamiŭ, što z 11 sakavika buduć pracavać utvoranyja zapaviednikam «Kijeŭska-Piačerskaja łaŭra» pracoŭnyja hrupy pa invientaryzacyi majomaści i pa abśledavańni techničnaha stanu budynkaŭ i zbudavańniaŭ.
Ukrainskaja pravasłaŭnaja carkva Maskoŭskaha patryjarchatu šmat hadoŭ biazvypłatna zajmała pamiaškańnie Kijeva-Piačerskaj łaŭry, na Piačerskich pahorkach raźmiaščajecca jaje mužčynski manastyr. Apošniaja damova adnosna hetaha była zaklučanaja padčas prezidenctva Viktara Janukoviča, 19 lipienia 2013 hoda.
UPC MP zajaŭlaje, što jurydyčnych padstaŭ dla takich krokaŭ niama i vysialeńnie jaje mužčynskaha manastyra z Kijeva-Piačerskaj Łaŭry źjaŭlajecca prosta «kapryzam čynoŭnikaŭ z Minkulta».