Скарынаўская бібліятэка ў Лондане адраджае заняткі ў нядзельнай беларускай школе
Пра намер адрадзіць нядзельную беларускую школу Скарынаўская бібліятэка напісала на сваёй старонцы ў фэйсбуку.
10.03.2023 / 23:22
«У нас цудоўная навіна — мы адраджаем нядзельную беларускую школку. Заняткі будуць праходзіць раз на 2-3 тыдні ў бібліятэцы. Мы будзем маляваць, майстраваць, спяваць, гуляць, бегаць, скакаць (таксама і ў садзе!)… каб у гульнявай форме дзеткі вучылі новыя словы і далучаліся да беларускай культуры.
Першы ўрок пройдзе ў суботу, 18 сакавіка. Абвестку з дэталямі апублікуем пазней.
Калі ласка, напішыце нам, калі вашыя дзеткі жадаюць да нас далучыцца. Мы таксама шукаем дарослых валанцёраў, якія хацелі б нам дапамагаць з арганізацыяй заняткаў», — напісана на старонцы бібліятэкі.