Źjaviŭsia multfilm «Kałychanka» pra represii ŭ Biełarusi
Biełaruski animatar Ivan Hapijenka stvaryŭ multfilm «Kałychanka», pryśviečany represijam u Biełarusi. Praca ŭžo vyjšła ŭ polskim almanachu i budzie ŭdzielničać u fiestyvalach, paviedamiŭ u fejsbuku sam aŭtar.
10.03.2023 / 17:03
Film «Kałychanka» (Lullaby) — pieršy film, vydadzieny zasnavanaj Ivanam Hapijenkam razam z Uładzimiram Niafiodavym animacyjnaj studyjaj u Varšavie Juniper Animation Studio.
Pavodle aŭtara, hety tvor «staŭ svojeasablivaj refleksijaj, jakaja dazvalaje adpuścić emocyi ad usich strašnych padziej apošnich troch hadoŭ. Historyja pra zmročny momant dušy, jaki kančatkova źmianiaje los čałavieka».
U stvareńni filma ŭdzielničała mastačka Kaciaryna Dubovik, čarnavuju animacyju zrabiła Alina Miłkina, a Kanstancin Uścinovič zabiaśpiečyŭ muzyčnaje supravadžeńnie i saŭnd-dyzajn.
Ciapier film rassyłajecca na fiestyvali, i ŭ chutkim časie stanie viadoma pra jaho pieršyja pakazy.