Piensijanierku asudzili da «chatniaj chimii» za «nieciarplivaje zyčeńnie chutkaj śmierci» Łukašenku
Stała viadoma, što 16 lutaha ŭ sudzie Pinska i Pinskaha rajona vyniesieny prysud 62-hadovaj Natałli Paŭlučenka. Žančynu pryznali vinavataj pavodle art. 368 Kryminalnaha kodeksa («Abraza Łukašenki») i asudzili da dvuch hadoŭ abmiežavańnia voli biez nakiravańnia ŭ PUAT («chatniaj chimii»). Spravu razhladaŭ suddzia Andrej Byčyła, piša «Viasna».
08.03.2023 / 20:48
Natałlu Paŭlučenka asudzili za kamientar u sacsietcy «Adnakłaśniki» ŭ adras Łukašenki ŭ supołcy «Miedia-Poleśie» pad navinaj pra pamierłaha ŭ pinskaj lakarni pacyjenta. Kamientar pryznali naŭmysnaj publičnaj abrazaj Łukašenki.
Ekśpiertyza adznačyła, što sens paviedamleńnia abvinavačanaj — «nieciarplivaje zyčeńnie chutkaj śmierci».
Raniej pavodle hetaha samaha artykuła ŭ Pinsku asudzili 54-hadovuju Žannu Paŭłovič.